Suivre ce blog
Administration Créer mon blog
6 janvier 2014 1 06 /01 /janvier /2014 19:08

 

photo-6 0085

 

كيفية تحضير الصابلي الوسطى

 

المقادير: 2م ك الخليع مقطع صغير و مطحون في 1.2.3 ، كأس عنبة الزيت ، ملح ، شوية خميرة المعجونة ، بصلة صغيرة محكوكة ،  م ص التحميرة ، 100ج فروماج أحمر محكوك ، هريسة ، ضامة البنة الدجاج والطحين حسب الخليط

 

الطريقة: نخلط جميع المقادير والطحين هو الأخير من بعد نسرحها بالمدلك ونقطعها بمرشم شميسة ثم نرش في الوسط البافٌو مثل ما في الصورة من بعد نعملها تطيب


Partager cet article

Published by Najat de Harhoura
commenter cet article
2 janvier 2014 4 02 /01 /janvier /2014 18:33

 

photo-6 0706

 

المقادير:250ج اللوز مطحون بقشورو ، 250ج الكٌركٌاع مطحون ، 125ج الثمر مطحون ، م ك الزبدة مدوبة ، شوية المسكة الحرة ،  3 بيضات ، 250ج سنيدة ، 125ج ككاو ، 1خميرة الحلوة

 

الطريقة: نطرب جداً البيض مع سنيدة بالطراب الكهربائي من بعد نزيد عليها جميع العناصر ونخلطها باليد ثم نعملها في الثلاجة ساعتين

 

من بعد نكورها حجم الكٌركٌاعة ثم نفندها في سكر كٌلاصي سبسيال وتطيب مثل البهلة أي النار فوقها حتى تتشقق عاد نشعل النار تحتها لتكمل الطياب

 

ملاحظة: لا نتركها في الفرن حتى تتحمر

 

photo-6 0707

 

 

أرجو أن تنال إعجابكن 

Partager cet article

Published by Najat de Harhoura
commenter cet article
27 décembre 2013 5 27 /12 /décembre /2013 22:16

 

photo-6 0825

 

كأس و1/2 سنيدة ، كأس اللارب زيت ، كأس و1/2 حليب ، 10 أصفر البيض ، 1 فنيلا ، 2 خمارات والطحين الكافي

 

الطريقة : بالطراب الكهربائي نطرب سنيدة مع أصفر البيض حتى يصبح لونهم أبيض نزيد عليهم الفنيلا + الحليب + الزيت وفي الأخير نزيد الطحين مع الخميرة وتكون العجين خفيفة مثل الكيك

 

نقسم العجين على ثلاثة : الأولى نخلطها بالككاو ، الثانية بروح البسطاش والثالثة تبقى بيضاء

 

نذهن قالب الكيك طويل بالزبدة ونرشه بالدقيق من بعد نعمل نصف العجين الأبيض فوقه العجين الملون بالأخضر ثم العجين المخلطة بالككاو والطبقة الأخيرة ما تبقى من العجين الأبيض من بعد نعملها تطيب

 

يمكننا أن نبدل أصفر البيض ب 5 بيضات كاملين


بالصحة و الراحة

    

Partager cet article

Published by Najat de Harhoura
commenter cet article
23 décembre 2013 1 23 /12 /décembre /2013 16:39

 

photo-6-0838-copie-1.jpg

 


مقادير الكريب : 250ج طحين ،  2 بيضات ، 2 م ك زيت ،  1 م ص ملح ، م ص هريسة ، 1/2 ل حليب بارد

 

الطريقة : نخلط البيض مع سنيدة + الزيت + الهريسة + الملح + الطحين وفي الأخير نزيد الحليب شوية بشوية حتي يتخلط الكل ثم نتركه يرتاح 1/2 ساعة

 

الحشوة : 4 بيضات ، 2 ياغورت صغار طبيعيين ، م ص موطارد ، م ص هريسة ، 1/2 م ص عطرية ( الحوت أو اللحم أو الدجاج ) ، م ص إبزار ، م ص التحميرة ، 150ج فروماج أحمر محكوك ، 150ج مرتديلا بيضاء محكوكة نخلط الكل ثم نزيد عليه 150ج طحين + 2 م ك ميزينا + 1 خمارة الحلوة

 

الطريقة : نطيبوا الكريب في مقلة صغيرة الحجم نصف طيبة أي تبقى صفراء ثم نعملها في قوالب الطرطات صغار ونبرك عليها حتى تأخذ الحجم من بعد نعمرها بالحشوة ونعملها تطيب حتى تتحمر من بعد لما تطيب نعمل فوقها  فروماج السندويش مقطع بمرشم دائري مسنن 

Partager cet article

Published by Najat de Harhoura
commenter cet article
24 novembre 2013 7 24 /11 /novembre /2013 00:16

السلام عليكم ورحمة الله وبركاته
ألف شكر لكل من ٱتصل بي سواء عبر الهاتف أو البريد الإلكتروني ليطمئن على صحتي جراء العملية التي أجريت ليدي ، فأنا الٱن في ٱستراحة مفتوحة إلى أن أستعيد صحتي وعافيتي بإذن الله ، ولكن لمحبتي لكم لن أبخل عليكم بشيء فاقبلوا على هذه الحرشة المتوا ضعة ولكنها لذيذة في نفس الوقت

 

photo-6-0936.jpg .

نصف كلج سميدة رقيقة ، ملح ، 3 م ك دقيق فرس ، 1 بيضة ، م ك الزنجلان صحيح ومحمر، م ك النافع صحيح ، كأس العنبة الزبيب ، كأس العنبة الكٌركٌاع مقطع صغير ، 125ج الزبدة ، كأس اللارب سنيدة ، 2 خمارات
نبسبس الكل عاد نزيد البيضة ، نخلطها مزيان من بعد نجمعها بالحليب بارد وتكون خفيفة شوية ، نتركها ترتاح شوية من بعد نكورها ونمرمدها في السميدة الرقيقة ونطيبها طياب البهلة أي النار فوقا حتى تتشقق عاد نعمل النار تحتها لتكمل الطياب وتتحمر

 

جربوها إنها لذيذة جداً خاصة إذا كانت باردة  

Partager cet article

Published by Najat de Harhoura
commenter cet article
9 août 2013 5 09 /08 /août /2013 02:40

 

 

aidelfitr2013.jpg

Partager cet article

Published by Najat de Harhoura
commenter cet article
7 août 2013 3 07 /08 /août /2013 01:52

photo-6 0742

 

الطريقة : 200ج ميزينا ، كأس عنبة زيت ،1 فنيلا ، 250ج زبدة ماكدور ، م ص روح الكرامل والدقيق على حسب الخليط

 

نخدم الزبدة مع السكر ثم الزيت وجميع المقاديروفي الأخير نزيد الدقيق نتركها ترتاح في الثلاجة على الأقل ساعتين من بعد نطلقها بالمدلك ونقطعها بمرشم دائري مسنن وعملها تطيب حتى تتحمر

 

نطحن الكاوكاو محمر بقشورو ثم نخلطه بالشكلاط دايب حتى يصبح مثل العجين

 

لما تطيب الحلوى نقلبها ونعمل خليط الكاوكاو في جيب الحلواني ويكون مسنن ثم نخرجه فوق الصابلي كما في الصورة ونعمل في الوسط صدفة بيضاء من الشكلاط


Partager cet article

Published by Najat de Harhoura
commenter cet article
7 août 2013 3 07 /08 /août /2013 00:50

photo-6 0737

 

 

المقادير : 250ج زبدة عادية ، زلافة صغيرة زيت ، 1/2 زلافة ماء ، 250ج سنيدة ، 2 م ك خل ، 1 فنيلا ثم الدقيق الكافي

 

الطريقة : نخلط الزبدة مع سنيدة ونخدمها مزيان ثم نزيد الزيت + الماء بعدما نخلطه نزيد الخل والفنيلا وفي الأخير الدقيق وتكون العجين عادية ، من بعد نعملها في بلاستيك ونكٌرصها مثل الخبزة ونعملها في الثلاجة على الأقل ساعتين ومن الأفضل تبات

 

من بعد نسرحها بالمدلك وتكون رقيقة ثم نقطعها بمرشم دائري صغير غير مسنن ونعملها تطيب

 

كريمة الزبدة : 500ج زبدة ماكدور ،  500ج سكر كٌلاصي ، 1 فنيلا ، كأس العنبة زيت

 

نخدم الزبدة و السكر بالطراب الكهربائي ونبدأ نزيد الزيت شوية بشوية مثل المايونيز ونحن دائما نضرب بالطراب حثى يصبح مثل الكريم

 

لما تطيب الحلوة نلصق واحدة مع واحدة بلكريم ثم ندهنها كلها مرة أخرى بلكريم ونمرمدها في اللوز إفلي محمر ونعملها في الكويغطات

 

بالصحة والراحة

 

 

Partager cet article

Published by Najat de Harhoura
commenter cet article
4 août 2013 7 04 /08 /août /2013 00:26

 

 

photo-6 0743

 

العجين : 1/2 كلج الدقيق من النوع الممتاز ، م ك الزيت ، م ك سكر كٌلا صي ، 1/2 كأس العنبة زبدة مذوبة ، ملح ، ثم تجمع بماء الزهر وتكون العجين عادية ، نقسمها على 2 ، الأولى تبقى بيضاء والثانية نخلطها بالككاو ونتركها ترتاح 1/2 ساعة في الثلاجة

 

الحشو : 1/2 كلج اللوز مفسوخ ومطحون مع 1/4 كلج سنيدة ، 50ج زبدة عادية ، 2م ك ماء الزهر ، م ك روح الكرامل أو روح القهوة

 

photo-6 0714

 

نطلق العجين بالمدلك أو بالآلة

 

photo-6 0715

 نعمل بالعجين شرائط رقاق يمكننا أن نستعمل الآلة  

 

photo-6 0716

نأخذ من كل لون خمسة أشرطة ونعمل مثل ا في الصورة

 

 

photo-6 0717

 

نعمل فوقها مربع من الحشو

 

photo-6 0718

 

ونبدأ نخالف الأشرطة

 

photo-6 0719

 

photo-6 0720

 

photo-6 0721

 

إلى أن تنتهي جميع الأشرطة ، ثم نقطع ما تبقى

 

photo-6 0722

 

ونتني الجوانب إلى الأسفل كما في الصورة وتبقى ليلة كاملة

 

photo-6 0743

 

بعد ما تطيب ندهنها بالنباج ونقدمها بالصحة والراحة

 

عواشركم مبروكة والله ما بلغنا ليلة القدر 

 


Partager cet article

Published by Najat de Harhoura
commenter cet article
23 juillet 2013 2 23 /07 /juillet /2013 01:21

photo-6 0681

 

مقادير العجين : نصف كلج طحين فرس ، 250ج طحين الذرة ، 4 فروماجات كيري ، دانون مسوس ، م ص هريسة ، م ص زعتر محكوك ، م ك سكر كلاصي ، ملح ، زلافة صغيرة كاشير محكوك ، م ص خميرة الخبز ، 1 خمارة الحلوة ،  كأس العنبة الزيت ، كأس العنبة زبدة مدوبة ، ونفس الكأس الحليب بارد

 

الطريقة : نخلط جميع المقادر ونتركها ترتاح


 

الحشوة : ربع كلج من شرائح الديك الرومي مقطعين طريفات صغار ومشحرين في شوية الزيت والملح والإبزار ، 125ج  من الديك الرومي المدخن ، 80ج  فروماج أحمر محكوك ،  بصلة مشلدة ومشحرة في الزيت والملح و الإبزار ، نزيد عليها  فلفلة حمراء مقطعة طريفات صغار لتتشحر معها ،.  كورنيشو مقطع طريفات صغار ، م ص هريسة ، م ص موطارد ، بكية صغيرة الشعرية الصينية مرقدة في الماء غليان ومصفية مخلطة بم ص زعتر محكوك 2 م ص صلصة الصوجا ، م ص عطرية الحوت ، زيتون أسود مقطع صغير م ص موطارد

 

في إناء نخلط جميع المقادير والشعرية الصينة هي الأخيرة

 

نقسم العجين إلى قسمين ، كل قسمة ندلكها بالمدلك سمكها نصف سم من بعد نقطعها بإطار مربع أو مستطيل كما في الصورة ، ندهن الجوانب بأبيض البيض ، نشتت الحشوة في الوسط ثم نغطيها بالقسمة الثانة من العجين ثم نلصق الجوانب و ندهنها كلها ببيضة كامة ونعملها تطيب حتى تتحمر من بعد نقطعها مربعات

 

إسمحوا لي نسيت أن أصور مراحل التطبيق وأرجو أن أكون موفّقة  في تبليغها كما ينبغي لكُنّ

Partager cet article

Published by Najat de Harhoura
commenter cet article